Қозыбаев университетінің студенттері әрқашан бір қадам алда, жарқын болашаққа нық қадам басатын, қабілетті, шығармашыл өрендер. Біздің білім алушылар кез келген күрделі мәселелерді шешуде әрқашан шығармашылық танытып, ерекше тәсілдерді пайдаланады. Сонымен, бұл жолы «Саз пәндері» кафедрасының студенттері өздерінің шеберліктерін дәлелдеді.
Дарья Реванова мен Ксения Заварзина Нижний Новгород қаласында Interclover жобасының бастамасымен өткен «Білім, педагогика, оқыту» тақырыбы бойынша студенттерге, оқытушыларға және мамандарға арналған кәсіби презентациялардың халықаралық байқауына қатысты. Қыздар «Педагогика ғылымдары» бағыты бойынша өз жұмыстарын ұсынды. Бұл номинацияға Қазақстан, Ресей, Армения және Әзірбайжан елдерінен 60-тан астам жоба ұсынылды. Байқау қорытындысы бойынша Ксения Заварзина 3 дәрежелі дипломмен марапатталды. Бар білімін салған Дарья Реванова, 2 орынды иеленді.
«Мәдени-тынығу жұмысы» мамандығының 1 курс студенті Айлана Итикеева да жеңімпаздар қатарында! Халықаралық «Менің болашақ мамандығым» атты эссе байқауының ІІ дәрежелі дипломының иегері атанды. Оған Ресей, Қазақстан және Беларусь елдерінен 62 студент қатысты.
Өзінің жетістіктерімен Сара Құлахметова да қуантты. Бойжеткен ІІІ Халықаралық «Жас зерттеуші» оқушылар мен студенттердің ғылыми-зерттеу және әзірлемелер байқауында 3 орынды қанағат етті. Оның ғылыми жұмысы үздіктердің біріне айналды! Осының барлығы университетіміздің студенттерінің білім, білік, дағдыларының жоғары деңгейде екенін аңғартады.
