Бейжіңдегі Паралимпиада ойындары екі апта бұрын аяқталды. Қысқы паралимпиада ойындарының қола жүлдегері, көрнекті спортшы Александр Герлиц, Қозыбаев университетінің студенттерімен кездесіп, олимпиададан алған сезімдерімен бөлісті. Спортшы университетіміздің 2011 жылы экономика факультетін тәмамдаған, содан соң, 2018 жылы «Дене шынықтыру және спорт» мамандығының маманы атанды.
Шаңғы тебу, волейбол және биатлон Александрдың бала кезінен өміріне енген спорт түрлері. 2015 жылы Қазақстан Республикасының чемпионатында біздің түлек алғашқы алтынды жеңіп алды. Паралимпиадашының қоржынында бірнеше лайықты марапаттары бар. Әрбір жеңістің артында ауыр жаттығулар, ұйқысыз түндер, өзіне деген сенімділік пен жеңіске деген ұмтылыс бар.
«Мен мәре сызығын кесіп өткенде, ең бірінші орындалған жұмыстан қанағат сезімі пайда болды. Өйткені еңбегімнің бекер болмағанын түсіндім. Кәсіпқой спортта көп еңбектену керек, осындай жетістіктерге жету үшін мен 7 жыл жаттықтым. Жарақаттар алып, басымнан қиын сәттерді өткердім. Бірақ барлық сынақтарға төзіммен қарадым. Марапаттау рәсімінде бойымды ерекше сезім кернеді. Қазақстанның туы көтерілгенде өзің үшін ғана емес, ұжым үшін де қуанасың. Бұл командалық жұмыс болғандықтан, жеңіске барлығы үлкен үлес қосты. Мен өз елімді мақтан тұтамын», – деді Александр Герлиц.
Студенттерді спорттық өмірдің қызықты сәттері, жарыстардағы бәсекенің деңгейі қандай болғанын және т.б. сұрақтар қызықтырды . «Александр медаль алмасаңыз, қандай сезімде болар едіңіз?» деген сұраққа ол, «Жеңген емес, соңына дейін баратындар күшті»!- деп жауап берді.
