М. Қозыбаев атындағы СҚУ Жас ғалымдар кеңесі ғылыми Start-up жобалар конкурсын өткізеді.
Байқаудың мақсаты: «М. Қозыбаев атындағы СҚУ» КеАҚ білім алушылары қатарындағы жас зерттеушілерді ғылыми-зерттеу қызметінің нәтижесіне негізделген инновациялық жобаларды іске асыру арқылы қолдау.
Байқауға қатысушылар: конкурс жеңімпаздарының конкурстан кейінгі кезеңде міндеттемелерге ие болуына байланысты, конкурсқа бакалавриаттың 1-3 курс студенттері және 1-курс магистранттары (бітіру курстары емес) жіберіледі.
Байқауды өткізу жоспары: байқау екі кезеңде: сырттай форматта (жартылай финалдық кезең) 2022 жылдың 20-22 сәуірінде және оффлайн-режимде (финалдық кезең) 2022 жылдың 25 сәуірінде өтеді.
Байқауды өткізу тәртібі: конкурсқа қатысушылар 2022 жылдың 20 сәуіріне дейін өздерінің ғылыми жобаларының қысқаша сипаттамасы бар өтінімдерді (қосымшаға сәйкес) конкурстық комиссияның smu@ku.edu.kz e-mail-на жібереді.
Алдын ала кезеңде финалдық кезеңге қатысу үшін үздік жұмыстар іріктеледі. Финал 2022 жылдың 25 сәуірінде (№1 ОК 115 аудиториясында) пікірталас форматында өтеді, онда қатысушылар өз жобаларын ұсынады (презентация 15 слайдтан аспауы тиіс, сөйлеуге 10-15 минут).
Байқау қорытындысы 2022 жылдың 29 сәуірінен кешіктірілмей шығарылады. Конкурсты өткізу нәтижелері бойынша үш жеңімпазға коммерцияландыру перспективасымен өзінің ғылыми жобасын ілгерілетуге 80000 (сексен мың теңге) мөлшерінде ақша қаражаты бөлінетін болады.
Ғылыми Start-up жобалар конкурсының ережесі
Ғылыми Start-up жобалар байқауының ақпараттық хаты