Қызметкерлер мен оқытушылардың құзыреттіліктерін үнемі жетілдіру – оқу ордамыздың жұмысының маңызды бағыттарының бірі. Университет оқытушылары әрдайым білім сапасын жетілдіріп лайықты марапатқа ие болады.
Осы оқу жылының басында 50-ден астам қатысушы Назарбаев университетінің вебинарларынан өтті. Оқыту университетпен ынтымақтастық аясында институционалдық зерттеулер мен талдау саласындағы стратегиялар мен тәсілдер, PhD бағдарламалар менеджменті, ПОҚ жұмыс жүктемесі: оқыту, зерттеу және сервис арасындағы теңгерім, ғылыми коллаборацияны зерттеу және дамыту сынды өзекті тақырыптар төңірегінде жүргізілді.
Сондай-ақ вебинар тыңдаушылары арасында халықаралық журналдарда жариялау; университет мектептері мен факультеттері деңгейінде зерттеулерді басқару; әлеуметтік және STEM ғылымдар саласында зерттеулер жүргізу туралы сөз қозғалды. Курс аяқталғаннан кейін біздің қызметкерлер Назарбаев университеті комиссиясы алдында өз жобаларын қорғады. Нәтижесінде оқудан өткендердің барлығы вебинарлардан өткенін растайтын көптен күткен сертификаттарын алды.
Әріптестерімізді құттықтаймыз!
