2022 жылғы наурыздың 29-ы «Бастауыш және мектепке дейінгі білім берудің теориясы мен әдістемесі» кафедрасының оқытуышысы М.Т. Касенованың және Ғ. Мүсірепов атындағы облыстық бала-жасөспірім кітапханасының «Ұлттық және шетел бөлімі» басшысы А.Ә. Секренованың жетекшілігімен Ғ. Мүсірепов атындағы облыстық бала-жасөспірім кітапханасында «Мектепке дейінгі оқыту және тәрбиелеу» білім беру бағдарламасының 2-3 курс студенттері 5-10 жасар балаларға арналған «Ертегілер елінде» атты іс-шара ұйымдастырды. Іс-шараға барлығы қала балабақшалары мен мектептерінен 15 бала қатысты. Балалар кітапханамен танысып, ертегілер желісі бойынша ойындар ойнады және «Жыл басы» ертегісін сахналады. Іс-шара соңында әр балаға тәтті сыйлықтар және сертификат табысталды. Іс-шараны ұйымдастыру барысында студенттер болашақ мамандығына қажетті құзіреттіліктерін көрсетіп, өздерінің ұйымдастыру, артистизм, тәртіптілік қабілеттерін көрсетіп, ата-аналар алғысына бөленді.
