Аризона университетінің делегациясы білім ордамызға екі күндік іс-сапарымен келді. Алдымен қонақтар 73 заманауи зертхана орналасатын жаңа ОЗК-да болды. Қазірде құрылыс қарқынды жүріп жатыр. Айтып өткен жөн, американдық ең ірі жоғары оқу орындарының бірімен ынтымақтастық қарқынды дамуда (АҚШ-тың үздік 40 мемлекеттік университетінің қатарына кіреді). Болашақта бірлескен қос дипломдық білім беру бағдарламалары солтүстікқазақстандық талапкерлер үшін жаңа мүмкіндіктер ашатын болады. Олар екі университетте, соның ішінде Аризонада бір семестр тегін оқып, үздік профессорлардың дәрістеріне қатыса алады және ағылшын тілін меңгереді. Осының барлығы болашақ студенттер үшін Қазақстанда ғана емес, әлемдік еңбек нарығында жұмыс табуды жеңілдетеді.
Қозыбаев университетінің ғылыми қауымдастығымен кездесуде әріптестер келесі мәселелерді талқылады: оқу ордамыздың академиялық саясаты, бірлескен білім беру бағдарламаларын дайындау, қабылдау тәртібі, оқу жоспарлары және түлектердің нәтижелері қарастырылды.
Сондай-ақ Аризона университетінің өкілдері Петропавл қаласындағы ірі мектептердің қызметімен танысып, СҚО білім басқармасының өкілдерімен кездесті. Қонақтар облыс ұстаздарының мұқтаждықтарын білді. Сонымен қатар, әріптестерді 12 жылдық білім берудің қазақстандық тұжырымдамасы қызықтырды.
Оқушылар сарайында Аризона университетінің қонақтары қаламыздың білім алушыларымен кездесті. 150-ге жуық жастар қатысты. Оларға Аризона университетінің: білім беру бағдарламалары, кампус, ғылыми әзірлемелер туралы айтылды. Айта кетсек, бұл университет NASA-ның планетарлық ғылымдарына қатысады, астробиология, инженерия, медицина және биотехнология салаларында керемет жобаларды жүзеге асырады.
Мұндай ауқымды бірлескен жоба ҚР алғаш рет жүзеге асырылып жатыр.Сондықтан барлық тараптар арасында: білім және ғылым министрліктерінің , екі серіктес университеттің және СҚО әкімдігі өзара мұқият зерделеуді талап етеді. Сондықтан қос дипломдық білім беру бағдарламаларын дайындау жұмыстары жалғасуда және жаңа оқу жылында олар бойынша алғашқы студенттер білім алады деп сенеміз.
