Өз саласының жауапты әрі тәжірибелі маманы, бұның барлығы аға оқытушы Цвингер Ирина Геннадьевнаға тән. Бүгінде ол , студенттер мен әріптестері арасында беделді, абыройлы, сыйлы, адамгершілігі мол тұлға. Биыл білікті маманды 60 жыл мерейтойымен студенттер, кафедра оқытушылары мен әріптестері құттықтады.
Ирина Цвингер экономика ғылымдарының магистрі, банк және бухгалтерлік есеп салаларында үлкен тәжірибеге ие. 2009 жылдан бастап «Қаржы және менеджмент» кафедрасында оқытушы болып қызмет атқарады. Қазірде тәжірибелік және семинар сабақтарын оңтайлы әдістері мен құралдарды қолдана отыра қызықты өткізеді.
Ирина Геннадьевна ҚР Білім және ғылым министрлігінің «көп жылғы еңбегі және білім беру жүйесін дамытуға қосқан үлесі үшін» алғыс хатымен , СҚУ ректорының «ҚР тәуелсіздік күніне және белсенді қоғамдық қызметі мен қазақстандық патриотизм идеясын насихаттауға қатысқаны үшін» марапаттарға ие. 2021 жылы «Қаржы және менеджмент» кафедрасы өткізген «Қаржы» ББ бойынша Республикалық студенттік пәндік олимпиаданың ұйымдастырушысы болды.
Оқытушы үнемі ізденіс үстінде, жұмысын ғылыммен тиімді ұштастырады. Бірқатар баспа жұмыстарының, оқу құралдары мен электронды оқулықтардың авторы. Қазақстандық және халықаралық ғылыми конференциялардың жұмысына үнемі қатысады. Халықаралық, республикалық деңгейдегі конференциялар жинақтарында мақалалары жарық көрген. Осы мерейтой күнде Ирина Геннадьевнаға зор денсаулық, биік мақсаттар мен жаңа ғылыми жетістіктер, ұзақ жылдар бойы бақыт пен шаттық тілейміз! Мейрамыңызбен!
