Қожа Ахмет Ясауи атындағы Халықаралық қазақ-түрік университетінің қабырғасында «Географиялық білім берудегі озық ой және заманауи көзқарас» тақырыбындағы география пәні мұғалімдерінің съезі басталды.
Съезде Қазақстан географиясын мектепте оқытудың өзекті мәселелерін және географиялық ғылым мен білімнің дамыту жолдарын талқыланады.
Келелі басқосуға Білім және ғылым бірінші вице-министрі Шолпан Каринова қатысады. Съезде география ғылымдарының докторы, профессор Күләш Қаймұлдинова, Л.Н.Гумилев атындағы Еуразия ұлттық университетінің география пәні оқытушысы, PhD Алтынбек Жақыпов, география пәнінің мұғалімі, педагог-шебер Әсия Жұмабаева, Нұр-Сұлтан қаласының Білім басқармасы бөлімінің әдіскері, география пәні мұғалімі, педагог-зерттеуші Карина Балғынбаева баяндама жасайды.
Сондай-ақ, Білім және ғылым министрлігінің өкілдері, әдіскерлер мен педагогтер, жоғары оқу орындары мен педагогикалық колледж оқытушылары, біліктілікті арттыру институтының мамандары қатысады.
Солтүстік Қазақстан облысынан 17 адамнан тұратын делегация, облыстың география пәнінің мұғалімдері мен әдіскерлері. Сонын ішінде “География және экология” кафедрасының меңгерушісі Доскенова Бану Бейсеновна сөз сөйлеуінде қатысты.
Съезд жұмысы 2 бөлімнен тұрады: секция жұмыстары және пленарлық отырыс. Төрт секция алаңы ұйымдастырылады:
«Географияны оқыту мазмұны: МЖМББС, үлгілік оқу жоспарлары, үлгілік оқу бағдарламалары, оқулықтар және ОӘК;
«Білім алушылардың оқу жетістігін бағалау: жағдайы, проблемалары, ұсыныстар»;
«Мектепте туристік-өлкетанушылық, экологиялық және ғылыми-жобалық іс-әрекеттерді ұйымдастыру»;
«Республикада география пəні мұғалімдерін даярлау, кəсіби біліктілігін арттыру, аттестаттау: жағдайы, проблемалары, ұсыныстар».
Білікті мамандардың пікір алаңында өзекті тақырыптар таразыланады.