Ел болашағының басты жылжытушылары-ғылым,білім, жастар. Жаңа технологияларды енгізу арқылы күш –жігерін ғылымның дамуына арнаған тұлғалар оқу ордамызда гуманитарлық , техникалық, ауылшаруашылық, жаратылыстану сынды басқа да басым бағыттар бойынша жобаларды жүзеге асыруда.
Ғылым қызметкерлері күні аясында студенттер, магистранттар мен докторанттар және жас ғалымдар бас қосатын халықаралық ғылыми-тәжірибелік отырысы өтті. Қазақстан мен таяу шетелдерден 300-ден астам баяндамалар келіп түсті.
Кездесуді Инновациялар және интернационалдандыру мәселелері жөніндегі Басқарма мүшесі Дәмел Мектепбаева құттықтау сөзімен бастап, атқарылған ғылыми қызметтің нәтижелерімен бөлісті: «Бүгінде жастардың ғылыми қызметі жаһандық ғылымға бастау болмақ. 2021 жылы БҒБК тізіміне еніп және Scopus, Web of Science жарияланымдарындағы мақалалардың көрсеткіштері де өсті. Онда басылымдардың жалпы саны 91 мақаланы құрап отыр. Жалпы жарияланымдар саны бойынша университет көрсеткіші 30%-ға артты. Оқытушыларымыз сабақ берумен қатар, ғылыммен де айналысады. Біз олардың мұндай бастамаларын аса бағалаймыз ».
Бүгінде барлығы ҚР БҒМ 11 жоба қаржыландырылды. 2021 жылы 120 млн теңгеден астам игерілді. Сондай-ақ, екі жоба:су айдындарын хлорелла микробалдырларынан тазарту және аймақты көгалдандыру бойынша жұмыстар атқарылып, жақсы нәтижелерге қол жеткізілді.
Ағымдағы оқу жылында ғылымға 1 200-ден астам студент тартылған. Айтып өткен жөн, білім ордамызда студенттер мен жас ғалымдар арасында ғылымның қарқынды даму қадамдары күннен-күнге артуда.
