Елбасының «Болашаққа бағдар: Рухани жаңғыру» бағдарламалық мақаласы ел дамуының жарқын үлгісі мен нақты қадамдарын көрсететін маңызды құжат. 2018 жылдан бастап университетімізде «Рухани жаңғыру» әлеуметтік–гуманитарлық зерттеулер институты жұмыс істейді. Бағдарламаның жоспарына сәйкес 6 бағыт және 17 арнайы жоба бойынша шаралар өтеді.
Осы шаралар науқанын өткізуде , бағдарламаны іске асыруға қосқан үлестері үшін «Тарих ғылымдарының кандидаты» Анатолий Плешаков, «Филология ғылымдарының кандидаты» Жанар Таласпаева және «Журналистика» кафедрасының оқытушысы Гүлгүл Тулешева, облыс әкімі Құмар Ақсақаловтың алғыс хаттарымен марапатталды.
«Рухани жаңғыру – Қазақстанның жаңа кезеңдегі дамуының маңызды бағыты» атты «Рухани жаңғыру» бағдарламасының 5 жылдығына арнап, облысымыздың қоғамдық өмірінде бағдарламаны іске асыруына белсене қатысып жүрген мемлекеттік ұйымдарының өкілдері де ашық алаң құрды. Ғылыми семинарда танымдық-тағылымы мол баяндамалар оқылды.
Қозыбаев университетінің ғылыми кітапханасының директоры Әсия Ермишева арнайы жобаның жоғары білім саласын гуманитаризациялаудағы маңызы баяндамасында бағдарламаның студенттер үшін жоғары мәнін атап өтті: «Осы жоба аясында дүние жүзінің үздік университеттердің оқулықтары қазақ тіліне аударылды. Біздің кітапханада жобаның барлық транштары бар.
Атап айтсақ, «Жаңа гуманитарлық білім. Қазақ тіліндегі 100 жаңа оқулық» жобасы бойынша кітаптардың траншы түскен. Бұл жастардың заманауи ой-өрісі мен мәдениетін қалыптастыруға жақсы серпін. Ғылыми кітапханада рухани жаңғыру бағдарламасы бойынша миллионнан астам оқулықтар бар.
Семинардың екінші бөлімінде қонақтарға жинақтар тарту етілді. Университет тарихшылары 2020 жылы Уәлиханов ауданында этнологиялық экспедицияға қатысты . Осы жоба аясында «Солтүстік Қазақстан дән мен дәстүр» материалдар жинағы шығарылды. Киелі бағдарламаның дамуына үлкен үлес қосқаны үшін жинақтың екі данасы авторлардың бірі, Материалдық емес мәдени мұра насихаттаушысы Роза Құсбековаға мен Қоғамдық даму және ақпарат орталығы жетекшісі Раушан Баймулдинаға табысталды.
