Ғылым апталығы аясында қала мектептерінің оқушылары үшін университетте экскурсиялар өткізілуде. Балалар әртүрлі мамандандырылған зертханалармен, университеттің ғылыми қызметімен танысады.
Олар «Химия және химиялық технология» кафедрасының студенттері мен оқытушылары ұйымдастырған химиялық викторинаға қатысты. Студенттеріміз бен магистранттарымыз білім алушыларға химиялық заттардың түсінің өзгеруімен,әр түрлі реакциялардан тұратын шынайы химиялық байланыстарды көрсете алды. Бұл ретте балаларға сол реагенттердің ерекшеліктерін, күнделікті өмірде не үшін қолданылатынын, Менделеев кестесінің элементтерінің қандай қосылыстарын қолмен ұстауға болмайтынын, т.б. жайттарды түсіндірді. Мектеп оқушылары да жүргізіліп жатқан химиялық эксперименттерге белсенді қатысып, өз білімдерін көрсете білді. Ең батылдарға естелік сыйлықтар табыс етілді.
Археологиялық зерттеу зертханасында шабыттанған студенттер де аз емес. Мұнда әркімге тарихи мұраларды өз қолдарымен ұстап, танысуға мүмкіндік берілді. Балаларға зерттеуші ғалымдарымыз тапқан олжалар мен құнды жәдігерлер туралы айтылды. Саздан жасалған тостағандар, алғашқы ауыздықтар, әйелдердің көне әшекейлері, тұрмыстық заттар – мұның бәрі университет қабырғасында мұқият сақталған. Мектеп оқушыларын нысандардың тарихы мен ашылған көне қоныстар қызықтырды.
Су ғылыми-технологиялық орталығында да экскурсия қызықты өтті. Мұнда микробалдырлар – хлорелласын өсірумен айналысады. Оның көмегімен ғалымдар су қоймаларын ластанудан және күкіртті сутегінің жағымсыз иісінен тазартады. Мектеп оқушылары микроскопқа қарап, микроәлемнің өмірімен танысты. Сондай-ақ олар суға қалай талдау жасалынатындығын білді.
Мұндай экскурсиялар мектеп оқушыларының ғана емес, университет студенттері де үшін аса маңызды.
