2022 жылғы 14 сәуірде Ғылым аптасы аясында «Педагогикалық серіктестік білім сапасын арттырудың факторы ретінде» тақырыбында ашық ғылыми-әдістемелік алаң өтті.
Ғылыми-әдістемелік алаңның жұмысына БМДБТӘ кафедрасының профессорлық-оқытушылар құрамы, мектепке дейінгі ұйымдар мен мектептердің педагогтары, Рахметова С.К., «Солтүстік Қазақстан облысы әкімдігінің білім басқармасы» КММ «Петропавл қаласының білім бөлімі» КММ мектепке дейінгі тәрбие мен оқыту секторының әдіскері және 6В01201 «Мектепке дейінгі оқыту және тәрбиелеу», 6В01301 «Бастауыш білім беру теориясы мен әдістемесі». мамандығының студенттері қатысты.
Жұмыс қашықтан байланыс технологияларын қолдану арқылы ұйымдастырылды. Қатысушылар тиімді білім беру технологияларын қолдану әдістемесі бойынша тәжірибелерін ұсынды.
