Дөңгелек үстел-бұл талқыланатын мәселеге қатысты идея мен пікірді жалпылауға бағытталған мәселелерді талқылауды ұйымдастырудың тәсілі. «Ғылым онкүндігі–2022» аясында М. Қозыбаев атындағы СҚУ «Азық-түлік қауіпсіздігі» кафедрасының профессорлық-оқытушылық құрамы ZOOM платформасында «Мал шаруашылығы өнімдерінің сапасы – азық-түлік қауіпсіздігінің негізі» атты халықаралық дөңгелек үстел өткізді. Пропоненттер П. А. Столыпин атындағы Омбы мемлекеттік аграрлық университетінің ғалымдары (Омбы қ., РФ), М. Қозыбаев атындағы Солтүстік Қазақстан университетінің оқытушылары, магистранттары мен студенттері, сонымен қатар Солтүстік Орал мемлекеттік аграрлық университетінің студенттері (Түмен қ., РФ) болды.Талқылау барысында сапалы мал шаруашылығы шикізатын алудың, оны қайта өңдеудің өзекті мәселелеріне аса мән берілді, өйткені бүгінгі таңда тамақ өнеркәсібі саласының алдында тұрған өте маңызды міндет – ішкі және сыртқы нарықта бәсекеге қабілетті жоғары сапалы өнімдер өндіру.
