Білім алушыларымыз Республикалық студенттік пәндік олимпиадада жетістіктерімен қуантып келеді. Әл-Фараби атындағы ҚазҰУ базасында географтар өзара сайысқа түсті. Олимпиадаға Қазақстанның әртүрлі жоғары оқу орындарының жаратылыстану ғылымдары бойынша мамандар дайындайтын командалар қатысты. Қозыбаев университетінен 3 адамнан құралған команда өнер көрсетті. «География» мамандығының 3 курс студенттері – Арыстан Закирин, Әсел Сұлтанова және Данила Махин. Ғылыми жетекші Гүлнұр Мәжітова.
Жеңіске жету үшін қатысушылар үш кезеңнен өтті. Бірінші кезең сәлемдесуде жалпы оқу орнының қызметі туралы әңгімеледі. Кейін теориялық кезеңге көшті. Онда басты міндет тест тапсырмаларын орындау болды. Ең қызықтысы соңғы кезең- ғылыми жобаны қорғау. Байқауға қатысушылар комиссияға жұмыстарын ұсынып, өзектілігін дәлелдеп, қорғап шықты. Нәтижесінде студенттеріміз ІІ орынды иеленді! Құттықтаймыз!!!