Студенттеріміздің жетістіктерге жету талпыныстары артып келеді. Оның дәлелі Ы. Алтынсарин атындағы педагогикалық институт базасында ЖОО студенттері арасында «Мектепке дейінгі оқыту және тәрбиелеу» ББ бағдарламасы бойынша өткен XIV Республикалық пәндік олимпиада. Мақсаты-мектепке дейінгі білім берудің жаңартылған мазмұны жағдайында педагогикалық білімдерді насихаттау, студенттердің кәсіби құзыреттіліктері мен даярлық сапаларын анықтау, кәсіби педагогикалық әлеуетін ашуға жағдай жасау.
Үлкен додаға университетіміздің «Мектепке дейінгі оқыту және тәрбиелеу» ББ бағдарламасының 2-3 курс студенттерінен құралған «Тақиялы тәрбиешілер» тобы қатысып, бақтарын сынады. 3 курс студенттері Гульнур Абилдиева «Мектепалды тобы балалардының әлеуметтік-коммуникативтік дамуындағы медиа орталығының рөлі» атты шығармашылық жобаны қорғаса, Ақерке Серікбай балабақшада ересек топ балаларына «Таным» білім беру саласы бойынша «Жаратылыстану» пәнінен «Ауа» тақырыбында ұйымдастырылған оқу қызметін өткізді. Ал Гүлжүзім Амангелдиева мен Күмісай Өмірсейітқызы теориялық байқауға қатысты.
Білім алушылардың дайындығына «Бастауыш және мектепке дейінгі білім берудің теориясы мен әдістемесі» кафедрасының оқытушысы Мадина Кәсенованың жетекшілік етті. Жалпы барлығы олимпиадаға 16 топ қатысты. Дода нәтижесінде тест тапсырмалары бойынша жақсы нәтиже көрсеткен біздің «Тақиялы тәрбиешілер» тобының өрендері жалпы командалық жүлделі ІІІ деңгейлі дипломды қанжығаларына байлады. Студенттерімізді құттықтаймыз!