«Қазақстан халқы Ассамблеясы» кафедрасы Foundation факультетінде оқитын Моңғолия, Қытай, Өзбекстан және Ираннан келген қандастармен жұмыстың жаңа түрі апробацияланды.
Биылғы оқу жылында университетте «Практикалық қазақ тілі», «Қазақ тілі мен әдебиеті» кафедралары мен Солтүстік Қазақстан облыстық тарихи-өлкетану музейінің қатысуымен «Арман-Отан-Мәңгі ел» пікірталас клубы жұмыс істеді. Өзекті тақырыптарды қозғады. Олардың ішінде: «Дүние жүзі қазақтары: бізді не біріктіреді?», «Қандастар: тарихи отанына оралу, бейімделу және интеграция мәселелері», «Қазақ тілі мен коммуникация мәселелері», «Қазақ халқының салт-дәстүрі: имидж немесе рационализм?», «Қазақ менталитеті: консерватизм немесе трансформация?», «Қазақтардың діни сенімдері: исламдық дәстүрлер және радикалдану мәселелері».
Foundation факультетінің студенттеріне өз көзқарастарын білдіруге мүмкіндік берілді. Ең белсенді қатысушылар Айжан Төлеужан мен Абдурахим Рахмбердиев болды. Қызу пікірталас нәтижесінде 130-дан астам ұлт өкілдерінің ортақ шаңырағы, атамекені саналатын Қазақстандағы бірлік пен келісім мемлекеттің бірлігі мен мәдени мұрасының сақталуына байланысты екені ақиқат.
Тыңдаушылардың пікірінше, бүгінгі таңда қазақ халқы үшін жаһандану жағдайындағы ең маңыздысы- тарих ағымында «еру» емес, алдыңғы ұрпақтардың жинаған құндылықтарын сақтау, патриот болу, сонымен қатар әлемдік өркениет жетістіктері мен жаңа технологияларды игілікке шебер пайдалана білу, адамгершілікті сақтау.
