Ғылым апталығы аясында факультетте онлайн режимде өсімдіктердің генетикалық ресурстары ғылыми-зерттеу институтымен (Өзбекстан) бірлесіп “Ауыл шаруашылығы дақылдарының әлемдік гендік қоры-азық-түлік қауіпсіздігінің негізі» тақырыбында диалогтық алаң түрінде семинар өтті.
Спикерлер ретінде: а/ш ғылымдарының кандидаты, өсімдіктердің генетикалық ресурстары ғылыми-зерттеу институты директорының ғылым жөніндегі орынбасары Абдуллаев Файзулла Хабибуллаевич, халықаралық инвестицияларды тарту бөлімінің бас маманы Хайтматов Зафар Туразода және өсімдіктердің генетикалық ресурстары ҒЗИ ғылыми хатшысы Мансуров Хусниддин Гаптрашидович қатысты. Online диалог алаңына қатысушылар келесі мәселелерді талқылады: өсімдіктердің генетикалық ресурстары, өсімдіктердің гендік қорын байыту, гендік қорды сақтау әдістері, басым бағыттар. Әріптестерімізге қызықты сұхбат үшін алғысымызды білдіреміз!
