ASIIN халықаралық аккредиттеу агенттігінің сарапшылары Қозыбаев университетінің бакалавриат пен магистратура бойынша білім беру бағдарламаларын бағалады:
- Ақпараттық жүйелер;
- Радиотехника, электроника және телекоммуникация;
- Электроэнергетика.
Олар онлайн режимінде білім беру бағдарламаларының үйлестірушілерімен, университет басшылығымен, студенттермен, оқытушылармен, жұмыс берушілердің өкілдерімен кездесті. Білім беру бағдарламаларының мазмұны мен жетілдірілуі, олардың еңбек нарығына сәйкестігі, білімді бағалау, материалдық ресурстардың жеткіліктілігі, университеттің одан әрі дамуы, сапаны қамтамасыз ету мәселелері талқыланды.
Қорытынды кездесуде университетіміздің академиялық еркіндік, жақсы зертханалық база, жұмыс берушілер мен білім алушылардың тәжірибеге жоғары деңгейде тартылуы, жоо интеграциясы мен саласы, практика базаларында тәжірибе алу мүмкіндігі және тағы басқа ерекшеліктері атап өтілді.
Сондай-ақ, ұсыныстар да айтылды: элективті компонентті кеңейту, академиялық ұтқырлық пен кәсіби ағылшын тілін дамыту қажет.
Бағалау нәтижелері осы күзде белгілі болады. Аталған білім беру бағдарламалары мұндай рәсімнен екінші рет өтуде, алғаш рет халықаралық аккредиттеу 2013 жылы өткізілді. Халықаралық агенттіктің мұндай бағалау өткізуі қазіргі уақытта, дәл Аризона университетімен ынтымақтастық жобасын жүзеге асыру барысында өте маңызды болмақ.
