Университет және колледж студенттері, мектеп оқушылары, мен қоғамдық көшбасшылар арасында ҚР-ның алдағы референдум тақырыбы аясында, «Ұрпақтар сабақтастығы» ашық көрсетілім ойыны өтті. Пікірсайыс алаңына 4 команда жиналды: колледж студенттері, НЗМ «Император» құрамасы,университетіміздің «Shyn» және «Север помнит» құрамалары 4 түрлі механизмді ұсынып, сайысқа түсті. Ойында өзекті мәселеге айналған референдумды тиімді жүзеге асыру туралы идеяларды салыстыру, «Бұл палата референдум өткізудің ең тиімді әдісін ұсынады» тақырыптары талқыланды.
«Қысқа мерзімде олар, барлық ақпаратты зерделеп, өз көзқарастарын қалыптастыру қажет болды. Ойын БПФ форматында өтіп, мектеп оқушылары мен студенттер референдум тақырыбында айқын пікірлерін ашып айтты», - дейді «Қазақстанның болашағы үшін» ҚСБ жетекшісі Рүстем Арманов.
Командалар өз көзқарастарын дәлелдеп, барынша қорғап шықты.Сайыс соңында, үздік команданы анықтау үшін QR-кодты сканерлеп,тыңдаушылар гуглформада онлайн дауыс берді. Нәтижесінде 4 орын Солтүстік Қазақстан кәсіби педагогикалық колледж студенттері, 3 орын НЗМ «Император құрамасы» алып, 2 орын «Север помнит» құрамасы иеленді. Референдумға қатысты ең үздік механизмді ұсынған «Shyn» дауыс беру бойынша жоғары ұпай жинап жеңіске жетті!
