Студенттердің ғылыми-зерттеу жұмыстарының Республикалық байқауын ҚР БҒМ жыл сайын өткізеді. Бастапқыда университет ішінде іріктеу жүргізіледі, содан кейін базалық жоғары оқу орындарында өтеді. Ақырғы кезең жалпыреспубликалық. Бұл жолы «География және экология» кафедрасының студенттерінің төрт жұмысы жүлделі орындарға ие болды!
- «География» (жаратылыстану) бағыты бойынша:
Әсел Сұлтанова үшінші орынға жайғасты. Ол «Тұрғын үйлер мен жол желілеріне қауіп төндіретін жыралардың өсуін болжауда заманауи ГИС қолдану» жобасын таныстырды.
2 орынды Дастан Ерланұлы жеңіп алды. Университетті жетілдіру мәселесін шешу үшін ГИС технологияларын қолдану мүмкіндіктерін зерттеді.
- «География» (білім беру) бағыты бойынша:
Элина Маликова СҚО рельефін антропогендік түрлендіру бойынша жұмысын қорғап, 3 орынды иеленді. Ал, Зарина Лұқман жеңімпаз атанды! Оның тақырыбы: «QUIZIZZ платформасын география сабақтарында қолдану мүмкіндіктері».
СҒЗЖ байқауында 1-орынды жеңіп алу нәтижесі келесі жылы байқауды университетіміздің базасында өткізу құқығын береді! Студенттерімізді және олардың жетекшілерін: Мажитова Г.З., Пашков С.В., Фомин И.А.-ты құттықтаймыз!