|
Бүгін біздің факультетімізде оқытушылар мен студенттер үшін шақырылған қонақтармен алдағы жалпыхалықтық референдумды түсіндіру бойынша кездесу өткізілді. Іс - шараға: Сулейменова Сауле Калкеновна - профессор, ф.ғ. к., «Конфессияаралық және этносаралық қатынастарды зерттеу орталығы» қоғамдық бірлестігінің төрайымы; Зель Александр Викторович – «Аmanat» партиясының Солтүстік Қазақстан облыстық «Болашақ» филиалы төрағасының бірінші орынбасары қатысты. Айта кететін жайт, елімізде соңғы рет референдум 1995 жылы өткізілді. Саяси жүйеде маңызды және ауқымды өзгерістер бүкілхалықтық талқылауға және дауыс беруге шығарылғаны өте орынды. Шақырылған қонақтар білім алушыларға референдумға қатысудың маңыздылығы, елдің басты заңына қандай түзетулер енгізілетіні және алдағы жалпыхалықтық дауыс беру адамдарға саяси басқару, шешімдер қабылдау процесіне көбірек қатысуға мүмкіндік беретіні туралы айтып берді. Өзекті мәселелердің қатарында – азаматтардың мемлекетті басқаруға қатысуы, құқық қорғау саласын нығайту және т.б. мәселелер бар. Қатысушылар ұсынылып отырған жаңа енгізілімдер мен конституциялық реформаның еліміздің әрбір азаматы үшін маңыздылығын талқылады. Естеріңізге сала кетейік, 5 маусымда Қазақстанда референдум өтеді. Өзгеріске дауыс бер, референдумға кел! 
|