Қозыбаев университеті мен Аризона университетінің бірлесуімен тағы бір сұранысқа ие «Ақпараттық жүйелер» халықаралық ББ ашылды. IT бағыты бойынша оқуға біздің жоғары оқу орнымызға қосдипломды бағдарламаларға түсуге ниет білдірген талапкерлерден сұраныстар жиі келеді. Бұл туралы университет өкілдері брифингте талқылады.
Құжаттарды қабылдау 13 шілдеден бастап, 20 шілдеге дейін жалғасады. Құжаттарды тапсыру барынша жеңілдетілген. Талапкерлерге ыңғайлы болу үшін ол онлайн және оффлайн режимінде жүзеге асырылады. Онлайн өтінім беру үшін үш қарапайым қадамдарды орындау қажет: bigbluebutton платформасы арқылы ЖОО-ның виртуалды қабылдау комиссиясына жүгіну қажет, онда консультант барлық сұрақтарға жауап береді және тіркейді. Әрі қарай поштаға admission@ku.edu.kz құжаттарды жіберу керек. Үшінші қадам-техникалық хатшыдан құжаттарды қабылдау туралы растау қағазын алу.
«Қозыбаев университеті Аризона университетімен стратегиялық әріптестік орнатқан. Бұл қазақстандық талапкерлер үшін үлкен мүмкіндік. Біріншіден-халықаралық үлгідегі қос дипломға ие болып, сұранысқа ие мамандықты игеру болмақ. Сондай-ақ, Қазақстан мен АҚШ-тың жетекші профессорларының қазақ, орыс және ағылшын тілдерінде өткізетін сабақтарына қатысу. Бұл ретте оқыту гранттар бойынша жүзеге асырылады, яғни оқуға түскен талапкерлер үшін, оның ішінде соңғы семестрде Аризона университетінде оқу тегін болады», – деп Аризона университетінің стратегиялық бастамаларының директоры Рикки Салазар атап өтті.
«Біз ҚР бойынша көптеген мектептерге барып, талапкерлердің Аризона университетімен қос диплом бағдарламаларына қызығушылығын байқадық. Қабылдау комиссиясына Қазақстанның әр өңірінен келген талапкерлерден қоңыраулар түседі. Халықаралық бағдарламалардың енгізілуімен Петропавл қаласы еліміздің түкпір - түкпірінен белсенді балаларды тартатын орталыққа айналатынына үміттенеміз», – деп атап өтті инновация және интернационалдандыру мәселелері жөніндегі Басқарма мүшесі Дәмел Мектепбаева.
Бүгінде қос диплом бағдарламасына 500 грант бөлінді.
Естеріңізге сала кетейік, қабылдау бес білім беру бағдарламасы бойынша жүргізіледі:
– «Өсімдіктер денсаулығы туралы ғылымдар»,
– «Өсімдіктер туралы ғылым және технологиялар»,
– «Тамақ қауіпсіздігі»,
– «Биотехнология»,
– «Ақпараттық жүйелер».
Білім ордамыз үнемі дамып келеді. Кітапхана қорын жаңартып, ПОҚ біліктілігін арттырамыз. Біздің студенттер үшін екі жаңа жатақхана мен оқу-зертханалық кешеннің құрылысы жүріп жатыр. Мұның бәрі талапкерлердің дұрыс таңдау жасау мүмкіндігін береді және халықаралық білім алуға жағдай жасайды