Түлектің көк, қызыл, жасыл мантиясын киген барлық білім алушылар енді кәсіби маман атанды. Бүгін оқу ордамыздан қанат қаққан түлектер көптен күткен құжатты алу үшін сахнаға салтанатты түрде көтерілді. Диплом табыстау рәсімі үш күн бойы бас ғимараттың акт залында ұйыдастырылды.
Болашақ жас мамандар үшін бұл күннің есте қалатыны анық. Алғаш рет ауқымды әрі ашық атмосфера аясында өткен шараға 400-ден астам ата-аналар мен оқытушылар қатысты.Түлектерге ыңғайлы 3 фото-аймақ және бас ғимараттың орталық алаңында диплом табыстау рәсімінің барысын тамашалау үшін LED-экран орнатылды. Алғашқы күні оқуларын сәтті аяқтаған 500-ден астам түлектер мен МЖҒФ бакалавриат түлектері және 194 магистранттарға диплом табысталды.
СҚО әкімі Құмар Ақсақалов пен Басқарма Төрағасы – Ректор Ерлан Шұланов түлектерге сәт-сапар тілеп, Паралимпиада чемпионы Александр Герлиц, Аризона университетінің өкілі Рики Салазар, НЗМ директоры Данияр Уәлиев жылы лебіздерін білдіріп, құттықтады.
Келесі күні табыстау рәсімі ТЭжҚФ, АФ, ТжӘИ-де өтті. 2022 жылғы салтанатты оқу бітіру кешін ПФ және ИжСТФ аяқтады. Қолдарында жаңа дипломдары бар түлектерді гүл шоқтарымен қарсы алды. Жалпы биылғы жылы университетті 1 804 студент бітірді, оның 456 –да қызыл диплом. Түлектер жаңа қадамдарың құтты болсын!
