2022 жылғы 27 шілдеде «СЕРВИС-ЖАРС» ЖШС-нің (Қызылжар ауданы, СҚО) тәжірибелік алаңында «Қазақстанның далалы және орманды дала аймағы жағдайында бір жылдық және көп жылдық дақылдардан шабындық-жайылым конвейерін құру тәсілдері мен көп компонентті жайылымдық алқаптарды құрудың ресурс үнемдеу технологияларын әзірлеу» жобасы бойынша егістік күні өтті. Агротехнологиялық факультеттің жұмыс тобы облыс фермерлеріне: «СЕРВИС-ЖАРС» ЖШС, «Эталон Агрохим» ЖШС, «Астраханка» ЖШС, «BayDala» ЖШС, «Шағала Агро» ЖШС, «Қызылжар сүт» ЖШС ғылыми зерттеу нәтижелерін ұсынды. Ғалымдар мен агроқұрылымдардың өкілдері өңірде жем-шөп өндірісін дамыту болашағын талқылады.
