АФ және МЖҒФ студенттері Назарбаев Университетінде жыл сайынғы «Climate week» фестиваліне қатысты. Қазақстанның түкпір-түкпірінен келген жастардың басын қосты және ол ,тұрақты даму тақырыптарын, атап айтқанда, геоэкологиялық мәселелерді және қоршаған ортаны қорғауды басқаруды насихаттауға бағытталған.
Шараға 15 команда, солардың ішінде біздің университет құрамасынан Мария Юрова, Айман Сағитова, Дариға Толоспай және Сабина Бригазина қатысты. Алғашқы күні қатысушылар елордалық университет пен Мәскеу мемлекеттік университетінің профессорларының дәрістерін тыңдады. Олар, «Green Society» қоршаған ортаны қорғауға арналған тимбилдингте НУ кампусымен, технопарк жұмысымен танысты.
Қатысушылар саяхаттарын Бурабай ауданындағы «Aq maral» марал өсіру зауытының аумағында жалғастырды. Бурабайға экскурсия жасау барысында, ойындар, садақ ату, атқа міну, арқан тарту және басқа да көптеген танымдық шаралар ұйымдастырылды. Студенттер этноауылдың киіз үйлерінде тұрды. Өз кезегінде бұл саяхатқа ерекше сән беріп, балалар жидектер мен дәрілік өсімдіктерді, саңырауқұлақтарды теруге мүмкіндік алды.
Фестивальдің ең маңызды тұсы « Eco city» байқауы. Қатысушылар өз аймақтарындағы экологиялық және туристік жағдайды жақсартуға бағытталған жобаларын ұсынуы тиіс болды. Университетіміздің білім алушылары «Jasyl aimaq » жобасын қорғап, Бас жүлдені жеңіп алды! Студенттерімізді құттықтап, табыстар мен жаңа жеңістер тілейміз!
