Оқу ордамызға тарих ғылымдарының докторы Ілияс Қозыбаев келді. Белгілі ғалым, 2003 жылдан бастап университетімізге есімі берілген Манаш Қозыбаевтың ұлы. Бүгінде біздің университет ұлы академиктің есімін мақтанышпен ұлықтап келеді.
Ілияс Манашұлы университет басшылығымен кездесіп, оқу корпустары бойынша экскурсия жасап, Басқарма Төрағасы – Ректор Ерлан Шұлановпен бірқатар тақырыптарды қозғады. Олардың ішінде: Қозыбаев университетінің даму болашағы, білім беру бағдарламалары мен студенттік қалашықты жаңғырту, жаңа оқу-зертханалық корпустың ашылуы, Аризона университетімен ынтымақтастық туралы талқыланды.
Атап өткен жөн, біздің ЖОО-да аграрийлер мен биотехнологтарды даярлауға ерекше көңіл бөлінеді. Бұған АФ зертханалары нақ дәлел. Келесі нысан қатарында, Манаш Қозыбаевтың залы орналасқан, қалпына келтірілген мұражай кешені болды. Қазірде, жаңартылған көрмелер мен заманауи технологиялар студенттер мен келуші қонақтардың үлкен қызығушылығын тудырады. Жиын соңында тарихшы, университет кітапханасына Қазақстанның көрнекті тарихи тұлғаларына арналған кітаптарын сыйға тартты.
