Университет қабырғасында «Тұрақты ауыл шаруашылығы және цифрлық трансформация жағдайында білім беру» Халықаралық ғылыми-практикалық конференциясы өтті. Басқосуға LOGOe.V (Германия) қауымдастығының төрағасы және қызметкерлері, ASA (Германия) халықаралық бағдарламасының бакалаврлары мен магистрлері, отандық және шетелдік университеттердің өкілдері, фермерлер мен органикалық өнім өндіретін компаниялар, университеттің студенттері мен ПОҚ жиналды.
Жыл сайын біздің ЖОО студенттері де Германияның агроқұрылымдарында, экологиялық кәсіпорындарында ақы төленетін практикадан өтеді. Бүгінде университетіміздің 14 студенті LOGOe.V бағдарламасы бойынша Германияда тәжірибеден өтуде.
Меннен Хартвиг, LOGO e.V қауымдастығының төрағасы Қазақстан, Ресей, Өзбекстан, Германиядан келген конференцияға қатысушыларды құттықтады. Ол бірлестіктің елімізбен 18 жылдан бері жұмыс істеп келе жатқанын атап өтті: «Бұл бағдарламаға Алматы, Астана, Қостанай, Көкшетау, Орал, Жамбыл және Петропавл қалаларынан 300-ден астам студент қатысты». Кездесуде ауыл шаруашылығын тұрақты дамыту, органикалық даму тұрғысынан Қазақстандағы мәселелер талқыланды.
Қазақстан органикалық ауыл шаруашылығы қозғалысы федерациясының төрағасы Евгений Климовтың айтуынша, бұл секторда жыл сайын шамамен 10 % тұрақты өсу байқалады, органикалық өнімдерді сату нарығы артып келеді: «Жалпы, қазір Қазақстанда Еуропалық Одақ стандарты бойынша сертификатталған 300 мың гектарға жуық жер бар.Тұтастай алғанда, органикалық егіншіліктің мемлекет үшін оң аспектілерінің толық тізбесі бар, өнімнің бәсекеге қабілеттілігі мен экспорттық әлеуетті арттырады».
Қатысушылар Ауыл шаруашылығы білімінің болашағы мен мүмкіндіктерін қозғады.
«Экологиялық таза өнім мәселесі бәріміз үшін өзекті. Қазақстан Еуропалық Одаққа органикалық өнімдерді экспорттаушылар арасында 9-шы орында. Әзірге облысымызда органикалық өнім өндіретін 3 кәсіпорын бар. Бұл бағытта біздің әлеуетіміз өте зор», - деді СҚО ауыл шаруашылығы басқармасы басшысының орынбасары Жанат Тоқсанбаев.
Атап өткен жөн, бүгінде оқу ордамыз бен LOGOe.V. шамамен 10 жыл ынтымақтастық құруда.Ұйым кәсіптік оқытумен, органикалық егіншілікпен айналысады. Ауыл шаруашылығы мамандықтарының студенттері үшін практикалар мен семинарлар ұйымдастырады, оларға қазірдің өзінде 4000-нан астам бала атсалысты.
