«Үлкендер жолы – ұлылық, ұрпағы жүрер ұғынып» демекші қазан айының алғашқы мерекелері қарттар және ұстаздар мерекесі тоғысқан күні , яғни 30.09.2022 жылы «Практикалық қазақ тілі» кафедрасында арнайы шақырылған ардагер ұстаздарымыз Қайырбекова Зауреш Қайырбекқызы, Сауытова Тоғжан Айдарханқызы, Захина Разия Нұрғатқызы, Атығаева Клара Мнайдарқызымен кездесу кеші өткізілді. Ұрпақтың ұлы мұраты жолында талмай еңбек еткен ардагер ұстаздарымызды кафедра меңгерушісі Ахметова Татьяна Алимжанқызы қарсы алып, дендеріне саулық, отбасыларына бақыт тіледі. Кездесу кешінде кафедрамыздың жас оқытушылары ардагер ұстаздарымыздың еңбек жолына үңіліп, қызығушылық танытып, қызықтыратын сұрақтарын қойды,ал ардагерлер өзінен кейінгі ізіне ерген жас ұрпаққа ізеттігін аямай, тәжірибелерімен бөлісті. Білім беру саласындағы ұзақ жылғы жемісті еңбектері және жас ұрпақты оқыту мен тәрбиелеуде біраз жетістіктерге жеткен аяулы ардагер ұстаздарымызға алғысымыз шексіз!