Қозыбаев университетінде ҚР Сыбайлас жемқорлыққа қарсы іс-қимыл агенттігі төрағасының бірінші орынбасары Дмитрий Малаховпен кездесу өтті. Шараға Сыбайлас жемқорлыққа қарсы іс-қимыл агенттігінің СҚО бойынша департаментінің басшысы Сергей Перов, СҚО әкімдігінің білім басқармасының басшысы Нәзір Жәшібеков, ЖОО мен колледж студенттері арасынан «Sanaly urpaq» қоғамдық бірлестігінің белсенділері қатысты.
Диалог форматында өткен кездесуде өскелең ұрпақты адалдық пен инабаттылық рухында тәрбиелеу тақырыбы қозғалды. Сондай-ақ сыбайлас жемқорлықпен белсенді күресудегі жастардың рөлі талқыланды.
Басқарма Төрағасы– Ректор Ерлан Шұланов университетімізде ашық әрі адал білім алуға жағдай жасалғанын мәлімдеді: «Біз университетке тек диплом алу үшін келгендерді емес, білім алғысы келетін студенттерді қабылдаймыз. Сондықтан біз ресейлік жоғары оқу орындарынан келетін «бүйірлік жолды» жаптық, ҚОТ студенттерін күндізгі оқу бөліміне ауыстырдық. Бүгінде университетте барлық шешімдер алқалы түрде қабылданады. Биыл студенттерді жатақханаға орналастыру тәртібі барынша ашық әрі жедел жүргізілді».
Ресми бөлімнен кейін студенттер баяндамашыларға сұрақтар қойып, өз ұсыныстарын білдірді.
