Студенттер кештерін тиімді өткізу үшін Жастар ісі жөніндегі комитеті қайырымдылық кино кешін ұйымдастырды. Заманауи фильмдер орнына терең әрі мағыналы, өмірлік кино «Пока не сыграл в ящик» тамашалады.
Фильм желісі, емделмейтін ауруға шалдыққан екі ер адам туралы баяндалған. Әдетте, мұндай жағдайларға тап болған жандар депрессиялық күйге шалдығып , қалған күндерін санай бастайды, бірақ басты кейіпкерлер ерекше әрекет жолдарын табады. Шығарманың басты мәні-өмірді сүю ешқашан кеш еместігін көрермендерге жеткізу, қиындықтарға берілмей, төзімділік қасиетіне тәрбиелеу.
Ұйымдастырушылар СҚО мүгедек балалар қоғамын қолдау үшін қаражат жинау қорабын орнатты. Нәтижесінде 15 мың теңге көлемінде қаражат жиналды. Жалпы барлығы 150-ге жуық адам қатысты.