Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
Жатақханаға орналасуға өтінім беру
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

Білім, ғылым және өндіріс: өзара әрекеттесу қырлары

Білім, ғылым және өндірісті интеграциялау мәселелеріне арналған кездесу университет қабырғасында Дүниежүзілік стандарттау күнінде өтті. Дөңгелек үстелге Петропавл қаласының өнеркәсіп кәсіпорындарының өкілдері, Инженерлік және сандық технологиялар факультетінің ПОҚ пен білім алушылар, сондай-ақ Астана және Алматы қалаларының ғалымдары жиналды.

Жоғары оқу орындарының инновациялық қызметін дамытудың қазіргі кезеңінің ерекшелігі- зерттеу, өндіріс және кадрларды даярлаудың бірыңғай процесіне біріктіретін ғылыми-білім беру кешендерін құру қажеттілігі болып отыр.  Бұл барлық кезеңдердің: білім-ғылым-өндіріс арасындағы тығыз ынтымақтастығын қамтиды. Сондықтан қала кәсіпорындарымен байланыс орнату, техникалық тапсырмаларды анықтау өте маңызды.  Іс-шара дәл осыған бағытталды.

У.А. Джолдасбеков атындағы механика және машинатану институтының бас директоры Амандық Төлешов ,Қозыбаев университетінің ғылыми әлеуетімен жақсы таныс екенін атап өтті. Ол мұнда бірнеше жыл бірінші проректор болып қызмет атқарды. Осы уақытқа дейін байланыс үзілген жоқ: «Біз Солтүстік Қазақстан ЖОО-мен бұрыннан байланыстамыз. Бүгінгі таңда осы жерден көптеген ғалымдар біздің бағдарламаларымызда орындаушы ретінде жұмыс істейді. Атап айтқанда, біз сорғы жасау бағдарламасын әзірледік, онда В. Савинкиннің жетекшілігімен ғалымдардың бүкіл тобы жобаның ғылыми міндеттерін шешуге қатысады».

«Өндіріссіз ғылымды дамыту мүмкін емес. Ал нақты сектордан серіктес пайда болған кезде біз алға қадам басамыз», - деп есептейді Азаматтық авиация академиясының ғылыми қызмет және цифрландыру жөніндегі проректоры Қайрат Көшеков.

Бүгінгі таңда ИСТФ өңір кәсіпорындарымен бірлесіп 3 ғылыми жобаны іске асыруда және біздің ғалымдар жаңа ашуларға әрдайым дайын.

17.10.2022
Яндекс.Метрика