Қозыбаев университеті қаламыздағы Ш.Уалиханов атындағы Тарих және этнология институтының филиалымен бірлесіп, Солтүстік Қазақстан республикалық мұрағаты мен СҚО әкімдігінің қолдауымен «Ғасырлар тоғысындағы Солтүстік Қазақстан: тарих және қазіргі заман» атты Республикалық ғылыми-теориялық семинар ұйымдастырды. Семинардың алғашқы күні еліміздің көрнекті ғалымдары басқосқан жиынға республиканың түкпір түкпірінен келген профессорлар басқа да белгілі тарихшылар, зерттеушілер мен ЖОО мен ғылыми-зерттеу институттары атсалысты.
Кездесуді құттықтау сөзімен Басқарма Төрағасы-Ректор Ерлан Шұланов ашты: «Бұл семинар Мемлекет басшысының «Саяси қуғын-сүргін құрбандарын толық ақтау жөніндегі мемлекеттік комиссия туралы» жарлығын жүзеге асыру жұмыстары аясында ұйымдастырылды. Біздің әріптестеріміз Солтүстік Қазақстан мемлекеттік мұрағатының қызметкерлерімен бірлесе отырып, 150 мыңнан астам қуғын-сүргінге ұшырағандарды анықтады. Стратегиялық жағынан тарихи құндылықтарды зерделеу бүгінде маңызды. Сондықтан тарих және этнология институты және археолгия институты сияқты еліміздегі ірі ғылыми зерттеу орталығының филиалдарын университетіміздің базасында ашу осы өңірдің археологиясын этнографиясы және тарихына қатысты қолданылған мәселерерді шешуге ықпал етеді деген сенімдемін »,-деп атап өтті.
Шара қонақтары саяси қуғын-сүргін, «Алаш» қозғалысының солтүстік өңірдегі қызметі мәселелерін талқылап, тарих қойнауынан сыр шертетін баяндамалар оқылды.
Әл-Фараби атындағы Қазақ ұлттық университетінің тарих ғылымдарының кандидаты Гулнар Муканова баяндамасында атап өткендей солтүстік өңірі қуғын сүргін зардабын шеккен ұлы тұлғаларды дүниеге әкелген тарихи және киелі мекен: « Осы Солтүстік аймақта тарих және археология институтының филиалы ашылды. Менің ойымша, жас кадрлар болашақ магистранттар, докторанттар одан да тереңірек зерттеп, жаңалықтар ашады. Біздің жобамыз ҒЖБ министрлігінің желісі бойынша жерлесіміз Смағұл Сәдуақасовтың өмірін зерттеу грантын жеңіп алды. Қазақстанның аумақтық тұтастығын қорғағаны үшін өз көзқарастары үшін, қатты қуғын-сүргінге ұшырады. Міне, біз қазір осы жобаны зерттеп жатырмыз, алда жинақ пен монография шығарылады»,-деді.
Шара Жамбыл ауданы Петровка ауылында, Аққұсақ елді мекенінде жалғасын тапты. Мұнда бірқатар салтанатты шаралар өтті: зиялы қауым жергілікті тұрғындармен кездесті, 1918 жылы Аққұсақ болысында болған тарихи оқиға туралы театрландырылған қойылым ұсынылып, ұлттық ойындар ойналды, жиналған қауым «Туған жерім – Қызылжар» концертін тамашалады.
