Ұлттық рухани мұраны ұлықтау мақсатында студенттер арасында І Республикалық «Ділмар» шешендік өнер байқауына университет атынан екі үміткер бақтарын сынады. Абай атындағы ҚазҰПУ-де өткен жарысқа еліміздің әр өңірінен 10 -ға жуық ЖОО қатысып, сөз саптау шеберліктерін көрсетті.
Шешендік сайыс екі кезеңнен құралды. «Аламан» атты алғашқы кезеңде қатысушылар жеребе арқылы тақырып таңдап жарты сағаттық жекпе-жек түріндегі шешендік сайысқа түсті. 2-кезеңінде би-шешендердің сөзін жатқа айтудан жарысты. Үздіктер қатарын анықтауда қисынды , көркем сөз , нақтылық, ой ұшқырлығы, тіл тазалығы сарапқа салынды.
Нәтижесінде КЯЛ-21-1 тобының білімгерлері 2 орынды иеленіп 70 мың сыйақымен Гүлай Қалиханова және арнайы жүлдемен жақсы нәтиже көрсеткені үшін 30 мың сыйақымен Нұрай Қалиханова марапатталды.
Шешендік сайыс жаңа буынды тіл тазалығын сақтауға, мемлекеттік тілді мейлінше жетік білуге ықпал етеді.Қыздарды құттықтап, алда үлкен жетістіктер тілейміз!
