«Химия және химиялық технологиялар» кафедрасының меңгерушісі, х.ғ.к. Антонина Дюрягина және оның докторанты Аида Луценко судағы дисперсиялық бояулардың беттік белсенді заттардың әсерінен пигменттік агрегаттардың беріктігінің адсорбциялық төмендеуін зерттеуге арналған ғылыми мақала дайындады. Жұмыс лак-бояу материалдарының қасиеттерін жақсартуға, олардың бетті декоративті өңдеу үшін қолдануға болатын жаңа оңтайлы түрін әзірлеуге бағытталған. Ғалымдарымыздың бірегей әдісінің көмегімен математикалық талдау арқылы беттік белсенді заттардың қажетті концентрациясын анықтауға болады, оларды лак немесе бояуға қосып, сапасы жағынан ең жақсы нәтижеге қол жеткізуге болады.
Мақала Q1 квартилімен «Scopus» халықаралық деректер қорының ғылыми журналында жарияланған. Бұл жұмыстың ғылыми маңыздылығының жоғары көрсеткіші болып табылады.
«Оқуымның екінші жылында эксперименттік жұмыстардың басым бөлігі орындалды. Осы деректер негізінде ғылыми жетекшіммен бірге жарты жылдың ішінде ғылыми мақала жазылды. Оны MDPI баспасы қабылдады. Біздің ғылыми-зерттеу жұмысымызға қызығушылық таныта отырып, бізді полимерлер және композиттік материалдар ғылымы бойынша халықаралық конференцияға қатысуға шақырды», - дейді Аида Луценко.
Конференция Италия астанасында өтті. Оған АҚШ, Түркия, Оңтүстік Корея, Таиланд, Бельгия, Чехия, Германия, Мексика, Канада, Франция, Испания, Бразилия, Хорватия, Солтүстік Корея және басқа елдердің ғалымдары қатысты. Ғалымдарымыз өздерінің ғылыми тақырыптары бойынша ғылыми қауымға баяндама жасады.
Құттықтаймыз!