Еліміздің өркендеуінің жаңа кезеңінде қадам басқан күн білім алушылар мен оқытушыларды Республика күніне орай ұйымдастырлыған мерекелік кеште біріктірді. Басқарма Төрағасы – Ректор ұжымды төл мерекемен құттықтап, сөз кезегін алды: «Байрағымызды асқақтатып көкке көтеріп тұрған тағы бір маңызды нүктенің пайда болуы ерекше мақтаныш сезімін сыйлайды. Биыл бұл Аризона университетімен жобалық ынтымақтастықтың арқасында жүзеге асты. Барша қазақстандықтар үшін бұл қолдаудың белгісі. Шынымен де өзіңізді туған жеріңізде жүргендей сезінесіз. Бұл мереке өте ерекше, өйткені биыл мемлекет басшысы Жаңа Қазақстанды құру қажеттігін жариялады. Иә, Жаңа Қазақстан бұл – екінші республика. Сіздердей жас ұрпақ оны құруға міндеттісіздер», – деді.
Атаулы күнді мерекелеу барысында, ТжӘИ базасында өткен «Менің арманымдағы Қазақстан» республикалық эссе байқауының жеңімпаздарын салтанатты түрде марапаттады. Белсенділік танытқан студенттердің 140-қа жуық жұмыстары таңдалған болатын. Сондай-ақ, кештің төрінде, қызметте қол жеткізген табыстары, өз міндеттерін адал атқарып, жоғары еңбек белсенділігі үшін университет қызметкерлері Алғыс хатпен марапатталды.
