“Педагогика және психология” мамандығының, Серпін бағдарламасы бойынша түлегі, ППС-17қ тобының студенті Әбжанова Сымбат Маратқызы “Жылдың үздік психологы-2022” Республикалық байқауының облыстық кезеңінің қорытындысы бойынша 1-ші орын иеленіп, Республикалық сайысқа жолдама алса, ППС-17қ тобының тағы бір студенті Каримова Калима Жанатовна 3-ші орын иегері атанды. Аталмыш конкурстың облыстық кезеңі кәсіби құзыреттіліктерді оңтайлы меңгергенін көрсететін талантты, шығармашыл жұмыс істейтін психологтарды анықтау мақсатында өткізілді. Аталмыш сайысқа облысымыздың 50-ден астам мықты психологтары қатысты. Топ жарып шыққан түлектеріміздің жүлделі орын иегерлері атануы, кафедра ұжымы үшін үлкен табыс. Білікті түлектерімізбен мақтанып, еңбек жолдарында үлкен жеңістер тілейміз!!!
