Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

Сапа апталығы- 2022: жоғары мектеп тәжірибесін тарату

Қозыбаев университеті 2005 жылдан бастап Сапа апталығын өткізу дәстүрін қолдайды. Бұл жолы 7-11 қараша аралығында оқу ордамызда өтіп, жоғары оқу орындарының тәжірибесін таратуға арналды.

Сапа апталығы университеттің барлық факультеттерінде бірқатар іс-шараларды біріктірді. Түрлі мамандықтардың студенттері ашық сабақтарда өзара тәжірибе алмасып, білімдері мен тәжірибелік дағдыларын көрсете алды.

Әр түрлі тақырыптар қамтылды: «Педагогикалық диагностиканың құрылымы, деңгейлері, кезеңдері», «Анатомия спорттық морфология негіздерімен. Дене жаттығуларының биомеханикасы», «Инклюзивті білім беру жағдайында жаңартылған білім беру бағдарламасы бойынша сабақты жобалау», «Зияткерлік меншік нарығы», «Электр және электронды бақылау және қорғау құралдары» және т.б.

Қазақ, орыс, ағылшын тілдерінде барлығы 26 ашық дәрістер мен зертханалық сабақтар өткізілді. Айта кетейік, университеттегі Сапа апталығы әлемнің көптеген елдерінде, соның ішінде Қазақстанда өткізілетін Дүниежүзілік Сапа күні аясында ұйымдастырылып отыр. Бұл күнді белгілеген бастамашысы БҰҰ қолдауымен Еуропалық сапа ұйымы болып табылады.

 

11.11.2022