Желтоқсан айының алғашқы онкүндігінің бірінде төл мерекенің басы болып, Манаш Қозыбаев атындағы Солтүстік Қазақстан университетінің «Практикалық қазақ тілі» кафедрасының ұйымдастыруымен «Тәуелсіздікті жырлаймыз!» атты ән фестивалі дәстүрлі түрде өткізілді. Шараға жауаптылар филология ғылымдарының кандидаттары Қошанова Жазира Төлегенқызы мен Бейсенбаева Айғаным Сайранқызы болатын.
Әр факультеттен келген қатысушыларға белгілі бір композитордың әнін ортаға салып, өз өнерін паш етуіне мүмкіндік берілді. Шырқалатын барлық әндері туған елге, атамекенге, яғни Қазақстанға деген патриоттық сезiмі, сүйiспеншiлi, оның байлығы мен кең даласы, табиғаты мен қонақжайлығын дәріптеуге бағытталды.
Жеңімпаздар, белсенді қатысушылар кітап, диплом, алғыс хаттармен марапатталды.
I дәрежелі дипломмен Дефектология мамандығы бойынша оқитын Үсен Жасмин « Самға» әнімен.
II дәрежелі дипломмен Азық - түлік өнімдерінің технологиясы мамандығында оқитын Островская Мария мен Агрономия мамандығының студенті Кан Верананың орындауларында «Қазақ елі осындай» әні.
III дәрежелі дипломмен Тарих мамандығында оқитын Чмир Мария мен Тіл және әдебиет факультетінің Орыс тілі мамандығында оқитын Сауытова Дильназдың орындауларында «Батырлар ұраны» әні.
«Үздік слайд» номинация иегері Электр энергетикасы мамандығының студенті Будкин Даниланың орындауында « Жаса Қазақстан» әні.
«Үздік дауыс» номинация иегері Музыкалық білім мамандығының студенті Абах Айдостың орындауында «Мен қазақпын» әні.
«Көрермен көзайымы» номинация иегері Музыкалық пәндер кафедрасының оқытушысы Төкен Аслан Асылбекұлының орындауында «Атамекен» әні.
Осы орайда ерекше бір айта кететіні, залдағы көрермендер өте белсенді болып, қатысушыларға жиі қошемет көрсетіп, қосылып ән айтып көңілді отырғаны болды. Тоқсан ауыз сөздің тобықтай түйіні, білім ордасының студенттері рухани азық алып, туған елге, Қазақстанға деген патриоттық сезiмі одан ары арта түскеніне барша зал куә болды деп ойлаймын.
