Университеттің құрылғанына 85 жыл! Ол елдегі ең көне жоғары оқу орындарының бірі. Мұның бәрі 1937 жылы Петропавл мұғалімдер институты құрылған кезден басталды, кейіннен ППИ, содан кейін М.Қозыбаев атындағы СҚУ, СҚМУ болды.
Осы уақыт ішінде ЖОО дамып, көптеген қайта құрулардан өтті және бүгінде Қозыбаев университеті ҚР ЖОО тізімінде лайықты орын алады, республикалық рейтингтер мен аккредиттеулердегі жүлделі орындарды бірнеше рет растады. Қазір мұнда 7 факультетте 6 мыңнан астам студент оқиды. Аризона университетімен қос дипломды және Халықаралық бағдарламалар бойынша ынтымақтастықтың ауқымды жобасы жүзеге асырылуда. Кампуста жаңа заманауи оқу-зертханалық ғимарат салынды.
Өз тарихында ЖОО Қазақстанда және шетелде табысты еңбек ететін мыңдаған білікті мамандар дайындады. Қозыбаев университеті мерейтойының салтанатты мерекесіне оқытушылар, қызметкерлер, студенттер мен түлектер жиналды.
СҚО әкімі Айдарбек Сапаров өзінің білім ордасын құттықтады: «Үздік дәстүрлерді сақтай отырып, университет ұжымы ЖОО-ны көпсалалы білім беру кешені ретінде табысты дамытып, заманауи технологияларды, оқытудың озық әдістемелерін енгізуде. Сондай-ақ инновациялық жобалар университетке уақытпен сенімді түрде ілесуге мүмкіндік береді. Түлектер экономиканың түрлі салаларында үлкен биіктерге жетті. Елбасының тапсырмасы бойынша елімізде беделді шетелдік жоғары оқу орындарының кемінде 5 филиалын ашу бойынша жұмыстар жүргізілуде. Осы тапсырма аясында Аризона университетімен бірлесіп қос дипломды оқыту бағдарламасы басталды. Биыл мұнда әртүрлі қалалардан 155 студент оқуға түсті. Келесі жылы тағы 500 арнайы білім беру гранты бөлінетін болады, университетіміздің халықаралық беделін қалыптастыру маңызды. Бұл өңірдің жаңа кадрларын қалыптастыруға мүмкіндік береді».
Басқарма Төрағасы-Ректор ұжымға құттықтау сөз сөйлеп, жемісті жұмысы үшін алғыс айтты. Бұл күні министрліктердің, облыс әкімінің Құрмет грамоталарымен, Манаш Қозыбаевтың мерейтойлық медальдарымен, 100-ге жуық педагог, құрметті профессорлар, қызметкерлер, серіктестер, жұмыс берушілер мен студенттер алғыс хаттармен марапатталды.
Сонымен, әлі алда– керемет идеялар, жаңа білім беру бағдарламалары, оқытудың заманауи әдістері, маңызды ғылыми зерттеулер күтуде! Оқу ордамызды мерейтойымен құттықтаймыз. Сәттілік пен өркендеу тілейміз!
