Бейнероликтер байқауының жеңімпаздарына 50 000 теңгеден табысталды

ЖҒК жыл сайын студенттерді ғылыми зерттеу жұмыстарын жүргізуге ынталандырады. Осы жолы «Ғылым әлемі студент көзімен» байқауын өткізді. Қатысушылар университеттегі студенттердің ғылыми қызметтерін көрсететін 3 минуттық бейнероликтерін жариялады: эскиздер, зертханалардағы және тәжірибедегі жұмыстары, студенттік ғылыми қоғамдардың жұмысы шеңберіндегі қызметі, өзінің ғылыми жобасы туралы және т.б. АФ, ПФ, МЖҒФ, ТжӘИ студенттерінен барлығы 14 өтініш түсті.

Сонымен, екі қатысушы жеңімпаз атанды. Студенттер, ПОҚ және университет қызметкерлері арасында Microsoft Forms жүйесінде аудиториялық дауыс беру қорытындысы бойынша ТжӘИ, ИЯ-19к-2 тобының студенті Алимова Дильназ бірінші орынды иеленді. Екінші жеңімпазды байқау комиссия таңдады: МЖҒФ факультетінің Б(о)-22 тобының студенті Жұмабек Қасиет. Бойжеткендер 50 000 теңге көлемінде ақшалай сыйлыққа ие болды. Барлық сайыскерлер сертификаттармен марапатталды. Жаңа жетістіктер тілейміз!