Бүгін Агротехнология факультетінде Тәуелсіздік күніне орай "Тербет елді тәуелсіздік ұраны" тақырыбында поэтикалық кеш өтті. Қазақстан Тәуелсіздік күні-Қазақстан Республикасының басты ұлттық мерекесі. Бұл күн Қазақстанда жыл сайын 16 желтоқсанда атап өтіледі. 1991 жылы Тәуелсіздік және мемлекеттік егемендік туралы заң қабылдап, біздің еліміз қалыптасу жолынан өтіп, қысқа уақыт ішінде бүкіл Орталық Азия аймағының көшбасшысы болды. Іс-шараның мақсаты - Тәуелсіз Қазақстан туралы, еліміздің жетістіктері туралы білімдерін тереңдету, білім алушылардың азаматтық жауапкершілік сезімін, өз елі алдындағы азаматтық борышын, Отан мүддесіне қызмет етуге дайындығы мен қабілетін қалыптастыру болды. 1, 2 курс студенттері белсенді қатысып, өз Отанына және туған шаңыраққа деген сүйіспеншілік туралы патриоттық өлеңдер оқыды.
Біздің факультетте осындай форматтағы іс-шаралар көбінесе студенттің ой-өрісін кеңейту және оның сабақтан тыс жұмысын сауатты ұйымдастыру үшін өткізіледі.
