13 желтоқсанда Солтүстік Қазақстан облысы бойынша Мемлекеттік қызмет істері департаменті М. Қозыбаев атындағы СҚУ бітіруші курс студенттерімен кездесу өткізді.
Департамент басшысының орынбасары Асқар Баймұқанов студенттерді мемлекеттік қызмет саласындағы заңнамадағы жоспарланған жаңалықтар туралы хабардар етті.
Мемлекеттік қызметке іріктеуді оңайлату үшін мемлекеттік грант есебінен жоғары оқу орындары мен колледждерді бітірген GPA (үлгерімнің орташа балы) көрсеткіші жоғары мамандарды аудандық және ауылдық деңгейлерде конкурстық іріктеусіз төмен тұрған мемлекеттік лауазымдарға қабылдау жоспарлануда. Бұл тәсіл жас мамандарды ел өңірлерінде жұмыс істеуге ынталандырады және олардың дамуына өз үлесін қосады.
Сондай-ақ Департамент тұрақты негізде мемлекеттік қызметке жас және креативті мамандарды тартуға бағытталған "мемлекеттік қызмет мектебі" жобасын іске асыруда. Аяқтағаннан кейін мектепті бітіргені туралы сертификат беріледі, оны тыңдаушылар конкурстық рәсімдерге қатысқан кезде қосымша құжат ретінде ұсына алады.
Қазіргі уақытта Манаш Қозыбаев атындағы Солтүстік Қазақстан университетінің тарих, экономика және құқық факультетінің 23 түлегі оқитын жобаның 8 –ші маусымы өтуде.
Сонымен қатар, студенттер Мемлекеттік қызметке іріктеудің негізгі кезеңдерімен танысты, оған заңнаманы білуге және жеке қасиеттерін бағалауға тестілеуден өту, әңгімелесу және бос лауазымға тағайындау кіреді. Жас мемлекеттік қызметшілерге арналған "Дипломмен ауылға" бағдарламасын іске асыру туралы ақпарат жеткізілді.
