М. Қозыбаев атындағы СҚУ Жас ғалымдар кеңесі Ғылым департаментімен бірлесіп, жыл сайын М. Қозыбаев атындағы СҚУ жас ғалымдары үшін Басқарма Төрағасы – Ректордың грантына ғылыми жобалар байқауын өткізеді (бұдан әрі – Байқау).
Байқаудың мақсаты: М. Қозыбаев атындағы СҚУ жас ғалымдарының ғылыми-зерттеу қызметін ынталандыру және материалдық көтермелеу.
Байқауды өткізу жоспары: Байқауға қатысушылар smu@ku.edu.kz электрондық мекенжайына келесі құжаттарды ұсынады:
- Байқау Ережесінің 1-қосымшаға сәйкес нысаны бойынша электрондық түрде Байқауға қатысуға өтінім;
- Байқау Ережесінің 2-қосымшаға сәйкес жобаны ресімдеуге қойылатын талаптарға сәйкес ресімделген электронды түрде (pdf форматында) жобаны таныстыру.
Өтінімдер 2022 жылдың 25 желтоқсанынан бастап 2023 жылдың 25 қаңтарына дейін қоса алғанда қабылданады.
Байқауға 40 жасқа дейінгі оқытушылар, докторанттар мен магистранттар қатыса алады.
Байқауды өткізу тәртібі: Байқауды ұйымдастырушы 2023 жылдың 31 қаңтарында байқау комиссиясының алдында қатысушылардың жобаларын күндізгі тыңдау рәсімін ұйымдастырады (Байқауға қатысушыларға тыңдау уақыты мен орны туралы барлық өтінімдер өңделгеннен кейін қосымша хабарланатын болады).
Байқау комиссиясы:
- қатысушылардың өтінімдерін қарастырады;
- тыңдау кезінде әрбір өтінімді бағалайды;
- Байқау Ережесінің 2-қосымшасында келтірілген критерийлерге сәйкес Байқау жеңімпаздарын анықтайды.
Жиналған ұпайлардың ең көп сомасы бойынша алты жеңімпаз анықталады.
Байқау жұмыстарын бағалау критерийлері ақпараттық хатқа 2-қосымшада және конкурс Ережесінде көрсетілген.
Байқау қорытындысын шығару байқау өткізілген күннен бастап бес жұмыс күнінен кешіктірілмей өткізіледі. Байқауды өткізу нәтижелері бойынша алты жеңімпазға одан әрі ғылыми-зерттеу қызметіне әрқайсысына 300000 (үш жүз мың) теңге мөлшерінде ақшалай гранттар бөлінетін болады.