Enactus Kazakhstan «Winter camp 2023» көшбасшылық және кәсіпкерлік мобильді мектебінің 13-ші маусымы еліміздің түкпір-түкпірінен қатысушылардың басын қосты. Шара Алматы облысындағы «Тау Тұран» оқу-сауықтыру кешенінде өтті. Лагерге еліміздің 18 жоғары оқу орындары мен колледждерінің білім алушылары келді, олардың арасында университетіміздің Enactus Kozybayev командасы да бар.
10-15 қаңтар аралығында олар қаржылық сауаттылық және тұрақты даму мақсаттары бойынша оқытылды, Қазақстанның тарихы мен мәдениеті бойынша дәрістер оқылды, сонымен қатар интерактивті сессиялар, командалық жұмыс, тақырыптық кештер өткізілді.
Біздің студенттер келесі номинациялар бойынша жеңіске жетті:
«Үздік эссе» – Айзат Елубаева;
«Үздік косплей» – Алдияр Эрсаин;
«Mr&Mrs Winter Camp 2023» – 1 орын Алдияр Эрсаин, 2 орын Мейіргүл Нұржан.
Олар мақтау қағаздарымен және кітаптармен, басқа да бағалы сыйлықтармен марапатталды. Бұл бизнес-лагердің қатысушыларына қосымша білім алуға және бизнес мансабын құруға көмектеседі. Enactus Kozybayev сәттілік әрі табыс тілейміз!
Айта кетсек, Enactus халықаралық жобасы студенттер мен жастар арасында көшбасшылық пен кәсіпкерлікті насихаттайды. Enactus Қазақстан Ұлттық кеңсесі университет командаларының қызметін үйлестіреді және кәсіпкерлердің студенттік қоғамдастығын дамытады. Қатысушылар қоғам өмірін жақсартуға мүмкіндік беретін әлеуметтік-экономикалық идеяларды жүзеге асырады. Олар өз жобаларын жыл сайынғы бизнес жетекшілері бағалайтын байқауларға жібереді.
