2023 жылдың 23 қаңтарында Тарих, экономика және құқық факультетінің кәсіптік бағдар бағыты бойынша жауаптылары қаланың қазақ тілде білім беретін мектептерінің бітіруші түлектерімен кездесуге барды.
Аталмыш шара аясында Әбу Досмұхамбетов атындағы облыстық дарынды балаларға мамандандырылған гимназия-интернаты және Сафуан Шәймерденов атындағы қалалық классикалық гимназиясының 11-сынып оқушыларына кәсіптік бағдар берілді. Факультет деканы т.ғ.к., доцент З.К. Картова факультетте оқытылатын білім беру бағдарламалары, оқу гранттары, болашақ мүмкіндіктер, жұмысқа орналасу, факультеттің заманауи материалдық-техникалық базасы туралы айтып берді. Сондай-ақ, оқушылар өздерін қызықтырған сұрақтарға жауап алу мүмкіндігіне ие болды. 2023-2024 оқу жылына қабылдау жүргізілетін білім беру бағдарламалары туралы толық ақпараты бар буклеттер де таратылды.
