Кәсіби бағдар беру — жас ұрпақты өзіне ұнаған тиісті мамандықты саналы талдап алуға дайындауға бағытталған іс-әрекеті. Кәсіби бағдар беру арқылы оқушыларды мамандықтар әлемінде, олардың мазмұны, ерекшеліктері, жеке тұлғаға қоятын талаптарын өз бойындағы қасиеттерімен ұштастырып, өндіріс, шаруашылық салаларының даму міндеттеріне, оның нарықтық экономика жағдайындағы рөліне сай саналы таңдалып алынған мамандыққа мүдделілігін тәрбиелеуді қажет етеді. Қазіргі кезде кәсіптік бағдар жұмысын ұйымдасқан түрде жүргізудің алғашқы баспалдағы - жалпы білім беру мектебі. Сол себепті ағымдағы жылдың 19 жұлдызында СҚУ «Практикалық қазақ тілі» кафедрасы 8 жалпы білім беретін эстетикалық тәрбие орта мектеп-кешенінде және де № 21 Орта мектебінің 10-11 сыныптары арасында кәсіби бағдарлау жұмысын онлайн форматта өткізді. Ең алдымен университеттің тарихы, құрылымы, мамандықтар жайлы жалпы ақпаратты видеоролик арқылы оқушылардың назарларына ұсындық. Кейін оқушылармен диалог жүргізілді. Ақпараттар берілді, оқушылар қызықтыратын сұрақтарын қойды. Оқушылардың арасында біздің университетке түсетіндері де біршама. Ол біздің оқу орнымыздың сұранысқа ие екендігінің дәлелі. Бүгінгі күні мектеп оқушыларына кәсіби бағдар беру жұмыстары жыл сайын жүргізілуде. Біз жоғарыда атап өткендей, кәсіби бағдар беру жұмыстарының маңызы үлкен сұранысқа ие болуда деп білеміз.
