ЖОО өңірдегі кәсіпорындармен тығыз ынтымақтастық орнатуда. Осындай серіктестердің бірі- Alageum Electric. Бұл электротехникалық зауыт Петропавлда 2021 жылы ашылды. Бүгінде мұнда өндірісте ИСТФ бітіруші 16 студент тәжірибеден өтуде.
Компания басшылығының көзқарасы қуантады: балалар тегін тамақпен қамтамасыз етілген, практика кезінде, бекітілген жұмысты игергеннен кейін материалдық ынталандыру мүмкіндігіне ие. Олар үшін қызыл түсті арнайы форма тігілген (барлық басқа қызметкерлер көк түсті). Бұл зауыттағы барлық қызметкерлердің, студенттерді қолдау үшін жасалған. Әр практикантқа күнделікті кері байланыс беретін тәлімгер тағайындалады. Ең бастысы: студенттерде университетті бітіргеннен кейін жұмысқа орналасу мүмкіндігі бар.
Осы аптада кәсіпорынға Басқарма мүшесі Ақмарал Тұрғалеева және ИСТФ деканы Татьяна Ратушная келді. Сапардың мақсаты – студенттердің тәжірибеден өтуін бақылау және ынтымақтастықтың келесі қадамдарын талқылау.
«Зауыт дуальды білім беруді енгізуге және дамытуға дайын. Ол үшін оқу кабинеттері дайындалды. Сондай-ақ, кейіннен кәсіпорында жұмыс істей отырып, оқу үшін стипендия бөлу мүмкіндігі қарастырылған. Сонымен қатар, БНҚ-ға өтінім беруге қолдау көрсете алатын және жобаны іске асыру үшін өндірістік база бола алатын ғылыми-өндірістік бөлім бар. Бізден тек идеялар қажет. Мен үшін «Alageum Electric» жоғары білікті мамандарды даярлайтын «университет-өндіріс» байламына негізделген, үлгілі жұмыс беруші серіктес», – деп атап өтті Ақмарал Тұрғалеева