М.Қозыбаев атындағы Солтүстік Қазақстан университеті Тіл және әдебиет институты «Практикалық қазақ тілі» кафедрасының ұйымдастыруымен 2023 жылдың 27 қаңтарында «Латын графикасына негізделген қазақ жазуы» тақырыбында аймақтық ғылыми-әдістемелік семинары ұйымдастырылды. Семинарға М. Қозыбаев атындағы СҚУ тілдік кафедраларының профессор-оқытушылар құрамы, Солтүстік Қазақстан облысы «Тілдерді оқыту орталығы» КММ мамандары, Солтүстік Қазақстан облысының мектеп және колледждерінің қазақ тілі мұғалімдері, барлығы 82 маман қатысты.
Бұл семинар Қазақстан Республикасының Тұңғыш Президенті Н.Назарбаевтың «Болашаққа бағдар: рухани жаңғыру» атты мақаласы аясындағы жоспарлы іс-шараларды жүзеге асыру мақсатында ұйымдастырылды. Семинардың күн тәртібінде бүгінгі күні мемлекеттік тілді меңгерту және латын графикасын жетілдірудің өзекті мәселелері болып табылатын төмендегідей тақырыптар талқыланды:
1. «Латын негізді әліпбидің ерекшелігі мен жазылымы»
2. «Мемлекеттік қызметшілерге латын графикасын оқыту жолдары»
3. «Латын әліпбиіне көшу – өркениетті ел болудың алғышарты»
Бірінші сұрақ бойынша «Қазақ тілі мен әдебиеті» кафедрасының аға оқытушысы Синбаева Гүлфайраз Кенжеболатқызы сөз сөйлеп, «Латын негізді әліпбидің ерекшелігі мен жазылымы» тақырыбында қазақ тілінің латын әліпбиіне көшу барысында өзгеретін емле ережелері туралы және көтеріліп отырған мәселе бойынша соңғы уақытта атқарылған шаралар туралы баяндады.
Екінші сұрақ бойынша бойынша Солтүстік Қазақстан облысы «Тілдерді оқыту орталығы» КММ әдіскері Ақжайық Алғалиқызы сөз сөйлеп, аталмыш мәселе қатысты облыс аумағында атқарылып жатқан шараларға және мемлекеттік қызметшілерге қазақ тілін оқыту барысында аталмыш мәселе бойынша атқарылып жатқан іс-шараларға жан-жақты тоқталды. Сондай-ақ, баяндамашы өз сөзінде латын графикасын халық арасында насихаттаудың оңтайлы әдістерімен бөлісті.
Үшінші сұрақ бойынша «Практикалық қазақ тілі» кафедрасының аға оқытушысы, ф.ғ.к. Қуандықова Данагүл Қайнетқызы сөз сөйлеп, «Латын әліпбиіне көшу – өркениетті ел болудың алғышарты» тақырыбында мәселенің халық арасында жүргізіліп жатқан үгіт-насихат жұмыстары жағына баса назар аударды. Баяндамашы қазақ жазуын латын графикасына аударуда қазақ тілдің ұтатындығын атап көрсетті.
Семинарда қарастырылған бұдан басқа да мәселелер қазақ жазуының латын графикасына көшірілуіне қатысты қоғамда туындаған сұрақтардың шешуін тарқатуға, оқытушылар мен білім алушылар арасында жүргізіліп жатқан жұмыстар туралы ақпаратты талқылауға арналды.
Семинар жұмысын қорытындысында төмендегідей шешім қабылданды:
1. Университет басшылығына (маман дайындаушы кафедраларға) білім алушыларға латын графикасын оқыту үшін оны оқу жоспарына енгізу немесе факультативтік курстар ашу туралы ұсыныс жасау.
2. Мектеп мұғалімдеріне арнап М.Қозыбаев атындағы СҚУ-дың БАИ-базасында латын графикасын оқыту курстарын ашу туралы университет басшылығына ұсыныс жасау.
