«Агрономия және орман шаруашылығы"» кафедрасының оқытушылары ауыл шаруашылығы дақылдарын қоректендірудің тиімді технологиясы бойынша сертификатталған жаттықтырушылар болды. Біздің 15 оқытушы «Baydala» компаниясының Агротехнологиялық факультетінің базасында құрылған «Ауыл шаруашылығы өсімдіктерін қоректендіру технологиясы» оқыту орталығында курстан өтті.Қарқынды дамып келе жатқан «Baydala» компаниясы Республика фермерлерін тиімді минералды тыңайтқыштармен және препараттармен қамтамасыз етеді, бұл ретте жас мамандар ұжымының басты мақсаты өнімді сату ғана емес, сонымен қатар ауыл шаруашылығы маусымы кезінде кәсіпорынды сауатты агроөнеркәсіптік сүйемелдеуді қамтамасыз ету болып табылады. Оқыту екі кезеңде өтті: өсімдіктерді қоректендіру сызбанұсқасы бойынша теориялық курс және топырақты агрохимиялық талдау негізінде «Baydala» компаниясының менеджерлері серіктес шаруашылықтарға топырақтың құнарлылығын сақтау және минералды қоректенуді түзету бойынша ғылыми негізделген ұсыныстар беретін «AgroТest» аккредиттелген топырақ зертханасы негізінде тәжірибелік дағдыларды игерді. Дәріскер өсімдіктерді қоректендіру бойынша тәуелсіз маман Айбек Төлегенов болды, ұсынылған барлық материалдар еліміздің әртүрлі өңірлерінің нақты өндірістік жағдайларында минералды тыңайтқыштарды қолданудың бейімделу технологиясының нақты көрсеткіштеріне негізделді.Сондай - ақ, біз факультет білім алушылары мен барлық мүдделі тұлғалар-өңірдің агросекторы өкілдеріне арналған бағдарламаны бірлесіп әзірледік, жақын арада факультет студенттері мен магистранттары қосымша кәсіптік білім алады.Агробизнес өкілдерімен тығыз ынтымақтастық бізге агрокадрларды даярлауды күшейтуге және олардың кәсіби қызметке жақсы интеграциялануын қамтамасыз етуге мүмкіндік береді, өз кезегінде біздің әріптестеріміз өздері үшін тиімді кадрлық резервті айқындайды.«Baydala» компаниясының басшылығы мен қызметкерлеріне жемісті ынтымақтастық үшін алғыс білдіреміз және бұл біздің түлектеріміз мамандық бойынша жұмысқа орналасып қана қоймай, жұмыс орындарын өздері құратын ең жақсы мысалдардың бірі екенін атап өткіміз келеді.
