Қозыбаев университетінде бейіндік магистратура білім алушыларының алғашқы түлектері қанат қақты. Барлығы да әр түрлі салада қызмет атқарып жүрген мамандар. Олар мансап сатыларының жаңа кезеңіне қадам басты.
Өткен жылы біздің ЖОО-да бейіндік магистратураны ашу бастамасы ҚР Ғылым және жоғары білім министрлігінің қолдауына ие болды. Инженерлік және агротехнологиялық бағыттарға гранттар бөлінді. Осылайша, 16 адам жаңа үлгідегі дипломдар алды. Магистранттар АФ және ИСТФ факультеттерінің бағдарламалары бойынша оқыды.
Іс-шарада түлектер жаңа білім алып, негізгі жұмыстарын оқумен ұштастыру мүмкіндіктері үшін алғыстарын білдірді: «Университет қабырғасында қайта оқу қызықты әрі жауапты болды, сонымен бірге, біліктілік пен кәсіби білімді арттыруға үнемі ұмтылу алға жылжуға көмектеседі».
